Plantun de Prouvènço

Pèr coumpara dos planto d'encò nostre

Iris pseudacorus & Juniperus phoenicea subsp. phoenicea

Glaujo

Iris pseudacorus

Iridaceae

Àutri noum : Glaujòu-jaune, Tèsto-d'ase, Coutello-de-valat, Coutelas, Espaso.

Noms en français : Iris des marais, Iris jaune.

Descripcioun :
La glaujo "es uno grando planto que sort à bèlli mato au ribeirés dis aigo, emé de lòngui fueio en formo de coutello e de bèlli flour jauno requinquihado en l'èr coume d'alabardo d'or" F. Mistral in Memòri e Raconte, 1906.

Usanço :
Se fasié de cataplasme emé lou rizoume pèr sougna lis agacin (principe di signaturo). Mescla emé de la limaio de ferre dounavo peréu uno encro negro de qualita. F. Mistral ramento que "Flourdalis vèn de flour d'iris, car es un iris la glaujo, e l'azur dóu blasoun represènto bèn l'aigo ounte la glaujo crèis, Ibid. Aro se n'en servèn pèr depoulua l'aigo.

Port : Grando erbo
Taio : 50 à 120 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Iris
Famiho : Iridaceae

Ordre : Aspargales

Coulour de la flour : Jauno
Petalo : 6
Ø (o loungour) flour : 5,5 à 6,5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Palun - Ribiero - Roubino
Estànci : Termoumediterran à Mountagnard
Couroulougi : Éurasiatico
Ref. sc. : Iris pseudacorus L., 1753

Mourven

Juniperus phoenicea subsp. phoenicea

Cupressaceae

Àutri noum : Cade-dourmihous, Morven, Mourvenc, Mourvè.

Nom en français : Genévrier rouge.

Descripcioun :
Lou mourven se rescontre souvènti-fes en bouissoun, mai pau veni autant grand qu'un aubrihoun (3 m), e alor sèmblo un pau à un auciprès emé si fueio coume d'escaumo (aleva encò di jouine). Li fru soun jaune, à rouge coulour de brico, à maturita. Coumpara emé la subsp. turbinata que trachis dins li duno en ribo de mar.

Usanço :
Mens couneigu que soun cousin lou cade, lou mourven èi vertuous contro li mau d'estoumac e de vèntre (cagagno). L'òli de mourven èi bono contro li tavan e li microbe.